Ardhmir Malziu është përfshirë në listën prestigjioze “Bronx Power 100” për vitin 2025, duke u bërë shqiptari i parë që arrin këtë arritje historike në New York. Lista, e përgatitur nga City & State New York, përfshin 100 figurat më me ndikim në Bronx dhe njoh përkushtimin e Malziut ndaj komunitetit dhe angazhimin në politikën vendore. Ai është aktualisht District Leader për zonën e 80-të në Partinë Demokratike të Bronx-it dhe i vetmi zyrtar shqiptar-amerikan i zgjedhur në qytetin e Nju Jorkut.
Rrënjët shqiptare dhe përkushtimi ndaj komunitetit kanë qenë shtylla të punës së tij. Si Koordinator Komuniteti në Bronx Community Board 8, ai kontribuon drejtpërdrejt në zonat Riverdale, Fieldston dhe Marble Hill. Me përvojë në Këshillin Bashkiak të Nju Jorkut dhe në New York Yankees, Ardhmiri ka ndërtuar një profil të fuqishëm si aktivist dhe lider. Ai ka organizuar evente për promovimin e kulturës shqiptare dhe ka angazhuar të rinjtë në proceset demokratike përmes edukimit për votim dhe punës si vëzhgues zgjedhor.
Figura e tij simbolizon një brez të ri liderësh shqiptarë në diasporë, të lidhur me rrënjët por të orientuar drejt së ardhmes, duke dëshmuar se përfaqësimi, identiteti dhe përkushtimi janë çelësa të suksesit në çdo nivel.
