Shopping Cart
Total:

$0.00

Items:

0

Checkout View Cart
Your cart is empty
Keep Shopping

Bllokimi i platformës Self-Care paralizon bizneset, shqetësime për pasoja ekonomike dhe ligjore

Qindra biznese në Shqipëri janë përballur me vështirësi serioze në ushtrimin e aktivitetit të tyre që prej 20 janarit, për shkak të problemeve teknike në platformën e fiskalizimit “Self-Care”, e menaxhuar përmes e-Albania. Ekspertët e ekonomisë dhe përfaqësues të biznesit paralajmërojnë se mosfunksionimi i kësaj platforme ka shkaktuar paralizim të proceseve bazë, duke ndikuar drejtpërdrejt në financat dhe veprimtarinë ligjore të subjekteve.
Sipas specialistëve, përmes Self-Care kryhen pothuajse të gjitha veprimet fiskale, përfshirë lëshimin dhe pranimin e faturave, raportimet tatimore dhe fiskalizimin e importeve. Kur platforma nuk funksionon, bizneset ndodhen në pamundësi objektive për të përmbushur detyrimet ligjore, çka rrit rrezikun për penalitete, krijon stres operacional dhe pengon planifikimin financiar. Ekspertët theksojnë se kjo platformë nuk është thjesht një shërbim online, por një infrastrukturë kritike për funksionimin normal të ekonomisë.
Nga ana e saj, Drejtoria e Përgjithshme e Tatimeve ka reaguar zyrtarisht duke deklaruar se problematika është zgjidhur dhe se platforma funksionon normalisht që prej 28 janarit. Tatimet sqarojnë se tatimpaguesit duhet të vijojnë lëshimin e faturave edhe në rastet kur ato nuk pajisen menjëherë me kodin unik, ndërsa subjektet pa software mund të pajisen me blloqe faturash pranë drejtorive rajonale. Megjithatë, ekspertët kërkojnë garanci të qarta për mosvendosjen e penaliteteve gjatë periudhës së mosfunksionimit, për të shmangur pasoja të padrejta për bizneset.
0
Show Comments (0) Hide Comments (0)
0 0 votes
Article Rating
Subscribe
Notify of
guest
0 Comments
Oldest
Newest Most Voted
Inline Feedbacks
View all comments

Stay Updated!

Subscribe to get the latest blog posts, news, and updates delivered straight to your inbox.

By pressing the Sign up button, you confirm that you have read and are agreeing to our Privacy Policy and Terms of Use