Gentiani, i cili po përballet me probleme serioze në nyjet e duarve, ka nevojë për një ndërhyrje kirurgjikale urgjente jashtë vendit. Operacioni do të kryhet në Turqi dhe ka një kosto prej 5,000 eurosh.
Fondacioni Frutex & Golden Eagle kanë marrë përsipër mbulimin e plotë të shpenzimeve, duke i dhënë mundësinë Gentianit të kryejë operimin e domosdoshëm dhe të rikthehet drejt një jete normale.
Ky gjest solidariteti është një shembull i qartë i mbështetjes së komunitetit dhe i rëndësisë së ndihmës për ata që përballen me sfida shëndetësore.
“Gentiani, i cili po përballet me probleme serioze në nyjet e duarve, ka nevojë për operim urgjent jashtë vendit.
Fondacioni Frutex & Golden Eagle do ta mbulojnë të gjithë koston e operimit, me vlerë prej 5,000 eurosh, i cili duhet të kryhet jashtë vendit, në Turqi.”- shkruan Shaqir Palushi.
Fondacioni Golden Eagle ka dhënë me mënyrë të herëpashershme mbështetje për raste të ngjashme, duke u bërë një faktor i rëndësishëm në ndihmën humanitare dhe duke treguar se solidariteti është vlerë e përhershme e këtij institucioni.
