Japonia thyen rekord, 100 mijë njerëz mbi 100 vjeç - Success Made In Albania

Shopping Cart

Total:

$0.00

Items:

0

Checkout View Cart

Your cart is empty

News
275 Articles
Jetë/Stil
104 Articles
Biznes
98 Articles
Bota
87 Articles
Sukses
57 Articles

Japonia thyen rekord, 100 mijë njerëz mbi 100 vjeç

Numri i njerëzve në Japoni të moshës 100 vjeç e lart është rritur në një nivel rekord prej gati 100,000.

Duke vendosur një rekord të ri për të 55-tin vit radhazi, numri i njëqindvjeçarëve në Japoni ishte 99,763 deri në shtator, tha ministria e shëndetësisë të premten. Nga ky total, gratë përbënin një shifër dërrmuese prej 88%.

Japonia ka jetëgjatësinë më të gjatë në botë dhe njihet si vendi ku jeton shpesh personi më i vjetër në botë, megjithëse disa studime e kontestojnë numrin real të njëqindvjeçarëve në të gjithë botën.

Personi më i vjetër në Japoni është 114-vjeçarja Shigeko Kagawa, një grua nga Yamatokoriyama, një periferi e qytetit Nara. Ndërkohë, burri më i vjetër është Kiyotaka Mizuno, 111 vjeç, nga qyteti bregdetar i Iwatas.

Ministri i Shëndetësisë Takamaro Fukoka i përgëzoi 87,784 femra dhe 11,979 meshkuj, njëqindvjeçarë për jetëgjatësinë e tyre dhe shprehu “mirënjohjen e tij për kontributet e tyre shumëvjeçare në zhvillimin e shoqërisë”.

Shifrat u publikuan përpara Ditës së të Moshuarve në Japoni më 15 shtator, një festë kombëtare ku njëqindvjeçarët e rinj marrin një letër urimi dhe një kupë argjendi nga kryeministri.

Read Also: